SANDHYA

Pope can wear an underwear,

I hope...................................

-- Laurence Ferlinghetti

 

సంధ్య 

ఊరు ...

పక్కనే యేరు ...

వేళ్ళ కాళ్ళని నగ్నంగా బారజాపి 

ఏటి నీటిలో నీడల్ని శీర్షాసనం వేయించి 

తపస్సు చేస్తూన్న చెట్లు ...

పసిపిల్లాడిలా చేతులాడిస్తూన్న 

బెల్ బాటం తాటిచెట్టు ...

ఎవరో చచ్చిన ఆవును 

మోసుకు పోతున్నారు 

దాని తోక   

నేలమీద ఎలిజీ రాస్తోంది ...

మతి భ్రమించిన శిల్పిలా

మేఘాల్ని చెక్కుతూన్న గాలి....

ఏటి నీటిపై నీలం రంగు 

పెయింటు వేస్తున్న ఆకాశం ...

స్మశానంలో దీర్ఘంగా ధ్యానిస్తూన్న సమాధులు ...

వెలుగు చీకట్ల 

పల్టీలు వేస్తూ 

ఎర్ర లంగోటా

 చుట్టుకుని 

కాలం వేసిన 

శీర్షాసనం 

ఈ సంధ్యాసమయం ...