మోసీ , మోసీ .....

  

 మోసీ , మోసీ .....

'మో' భాషలో మూగపోబోయి

ఆగిపోయానో లేదో  నాదో మరి కాదో 

ఏదో ఒక   crisis of suffocation లోంచి 

లంకించుకున్న పరుగూ పందెం 

మార్సెల్ ప్రౌస్ట్ involuntary memory లోంచి 

కటీసాగరంలో వటవృక్షం 

నీలిపత్రం మీద నిద్రిస్తూన్న ఆదిమ శిశువు 

పాపాలు కరగని పాల్గారే పశువు సిసిఫస్ యులిసిస్

to undrain to his heart 

పాలిపోయిన  పెదాల తొలిపలుకులు 

పారాడే మెలికలతల నులిపురుగులు 

చండ చండం ఖండ ఖండం 

అండ పిండం ధ్వజాదండం 

పిత్రుశిలతో  మిత్రభేదం శత్రుశేషం 

 

కామతంత్రం బీజమంత్రం 

స్వీయ రక్త సాముద్రిక రహస్య రసాస్వాదనం 

ముముక్షా జిజీవిషా శిరీషా రాంషా

అలెన్ గిన్స్ బర్గ్ మరమరాలు 

జెన్ మంత్ర తంత్ర స్వరాలు 

నయాన్నో భయాన్నో వుభయాన్నో

అ హ హ హ హా హా  న్న  న న న నా 

వల్ల కాదు వల్ల కాదు వల్లకాదు

ఇంద్రియాల ఇల్లరికం వల్లకాదు వల్లకాదు 

పిల్లగాడు నల్లభామ వల్లకాడు చిల్లికుండ

వగపేటికి మగపేటిక చివరిసారి చల్ల చిందినన్ 

సీతారాం సీతారాం రాం రాం సీతారాం 

మహాంత విభు మాత్మాన్ మత్వా ధీరో న శోచతి 

ఓం శాంతి శాంతి శాంతి శాంతిహీ