రాయలేను.....
అస్తమానం అలా అలా
పాకుతూనే ఉంటాయి పదాలు
పంక్తులు పంక్తులుగా వంతులు వంతులుగా
పనీ పాటా లేకుండా మన మస్తిష్కంలో
మనకు ఏమాత్రం తెలియకుండానే మొదలై పోతుంది
పనీ పాటా లేకుండా మన మస్తిష్కంలో
మనకు ఏమాత్రం తెలియకుండానే మొదలై పోతుంది
మెదడు మైదానంమీద ధ్వనుల ద్వంద్వ యుద్ధం
నిజానికీ అబద్ధానికీ మధ్య ఏమాత్రం తేడాయేలేని వాక్యాల వ్యాకరణం
అణువణువునా అస్పష్టతలు ఆధునిక అలంకారాల విస్ఫోటనం
అలజడులు , అల్లర్లు , అల్లకల్లోలాల విశృంఖల స్వైర విహారం
బరి తెగించిన ఒకానొక భాషా కాషాయ విష విన్యాసం
సర్వసంగ పరిత్యాగం కాదు కాదు అసలు కానే కాదు
సన్యాసం కేవలం ఒక ఆధునిక పదవిన్యాసం
ఇది మనిషిని మంచంగా కుంచించే కుతంత్రం
ఇది మతాన్ని బ్యాలట్ బాక్స్ గా మార్చేసే ప్రయత్నం
ప్రస్తుతం ఒక సరికొత్త కల్లోలిత ప్రాంతం పేరు సంస్కృతి
అవును భాష ఒక పెద్ద బద్మాష్!
ఆదిమ నుడికారంతోనే సంహారం సాధ్యం
అప్పటి వరకూ నేను రాయలేను గాక రాయలేను
This comment has been removed by a blog administrator.
ReplyDelete