kaadaa....!

 

 

  

కాదా.....!

 

అవునూ ఏదీ 

ఆమె దేహంలో నిత్యం ప్రవహించునది 

అది ప్రపంచంలోకెల్లా ప్రాచీనమైనది - నది !

ఆ నదిలోనే మనం ఓలలాడినది

అంచెలంచెలుగా ఈదులాడినది

చిన్నారి బొట్టుతో చిగురించి చిగురించి

సుతిమెత్తని నెత్తురు చెట్టులా మృదువు మృదువుగా

తరిస్తూ జ్వలిస్తూ మారాకు తొడిగినది 

ఆ నదీ తీరంలో కాదా మన దేహం దాహం తీరా నీరు తాగినది 

ఆ దేహమే కాదా నిండు ప్రాణాన్ని గర్భంలా మోసినది 

అది అతి మృదువైన అంధ కారంతో అలముకుని ఉన్నది 

చీకటి వెలుపల విస్తరించిన వెలుగులు వివాదాలు విషాదాలు వినోదాలు విలాపాలు

అందాలు ఆనందాలు అలరించే భవబంధాలకు

 భయపడి కాదా మనం

సుభిక్షం  సురక్షితం శాశ్వతం అనుకుని కాదా

 ఆమె గర్భ క్షేత్రంలో అలా మనం

 ముడుచుకు పడుకున్నది......