నిక్కీ జియోవానీ ( Nikki Giovanni ) అమెరికన్ కవీ, రచ యిత్రి.. రోజువారీ జీవితంలో కనిపించే సర్వసాధారణమైన వస్తువులు, క్రియాపదాలను ఎంత అ/సువ్యవస్థితమైన పద్ధతిలో అమర్చిందో గమనిస్తే ఆశ్చర్యం కలుగుతుంది. ఎవరైనా సరే ప్రేమలో పడిన కొత్తలో ఎదుర్కునే వింత మానసిక స్థితిని ఈ పదాల పొందిక స్పష్టం చేస్తుంది. ఈ కవిత అర్ధం చేసుకోవటానికి మీకు ఎలాంటి వ్యాఖ్యానాలు, టీకా టిప్పనుల అవసరం లేదు. చదివిన తక్షణమే చేసిన అనువాదం ఇది.
నేను అద్భుతమైన ఒక ఆమ్లెట్ ని రచించాను
నేను అద్భుతమైన ఒక ఆమ్లెట్ ని రచించాను ... ఒక వేడి వేడి పద్యాన్ని భుజించాను
నీ ప్రేమలో పడిన తరువాత
నా కారు గుండీలను పెట్టుకున్నాను ... నా కోటును డ్రైవ్ చేసుకుంటూ వెళ్లాను ... వర్షంలో....
నీ ప్రేమలో పడిన తరువాత
రెడ్ సిగ్నల్ చూసి ముందుకు పోనిచ్చాను ... గ్రీన్ సిగ్నల్ చూసి ఆగిపోయాను ...
రెండింటి మధ్యా ఈదుకుంటూ ఎక్కడో...
రెండింటి మధ్యా ఈదుకుంటూ ఎక్కడో...
నేను నా పక్కను చుట్టేశాను ... నా శిరోజాల ధ్వనిని తగ్గించాను ... కాస్తంత భ్రమించాను కానీ ... ఫర్వాలేదు నాకు ...
నేను నా దంతాలను ముందుకు విస్తరించాను ... నా గౌనును విశాలం చేశాను ... నిలబడి పోయాను ...
నన్ను నేను కిందే ఉంచుకున్నాను ... పడుకునేందుకు ...
నన్ను నేను కిందే ఉంచుకున్నాను ... పడుకునేందుకు ...
నీ ప్రేమలో పడిన తరువాత
This comment has been removed by a blog administrator.
ReplyDelete