సృజన
జా స్టార్ అంతర్ మేయేర్
ఆదిలోవుంది ఒక పదం కేవలం
అది శృతిగా మారటంలోనే వుంది దాని సార్ధక్యం
ఎవరో ఒకరు దానిని పలకాలి
మౌనం భంగం కావటం అనివార్యం
ప్రళయ అరాచక అంధకారం
వెలుగులోకి రూపాంతరం చెందాలి
ఎడారినేల గులాబీ వనమై గుబాళించాలి
పదం పలుకుబడిగా మారటం అనివార్యం
ఆదాము పక్కటెముకల గాయంలోంచి
అవ్వ విముక్త అస్తిత్వ ప్రతిష్ఠ కోసం
పదం పలుకుగా మారాలి
సత్యం సదా సత్యమే
ఈరోజు కూడా అనివార్యమే
ఈరోజు కోసం కూడా వుంది పదం
అది పలుకుగా మారటం అనివార్యం
తెలుగు: ఖాదర్ మొహియుద్దీన్
జా స్టార్ అంతర్ మేయేర్
No comments:
Post a Comment