1
2
3
4
5
6
7
8
9
10
11
గీసిన వాటికన్నా చెరిపిందే ఎక్కువ
పికాసో బుల్
ప్యారిస్ లోని పికాసో మ్యూజియంలో ఒక చోరీ జరిగింది.
పికాసో స్కెచ్ బుక్ ను ఎవరో అపహరించారు.
దాని విలువ కోటానుకోట్లు. అపహరణకు గురయిన స్కెచ్ బుక్ లోదే ఈ బుల్ సిరీస్. చెరిపివేయటం అనే ఒక సృజనాత్మక ప్రక్రియ ద్వారా నిర్దిష్టమైన, స్పష్టమైన ఒక ఎద్దు బొమ్మను నైరూప్యం చేస్తూ అద్భుతమైన ఒక కొత్త రూపాన్ని ఎలా సృష్టించాడో మనం గమనించ వచ్చు. పాబ్లో పికాసో చిత్రకళా రంగంలో సాధించిన అద్భుతాలకు ఇది ఒక మచ్చు తునక.
పికాసో తన అనేక చిత్రాలలో ఎద్దును ఒక రూపకంగా ఉపయోగించాడు. ఈ సిరీస్ ద్వారా కూడా పికాసో ఫాసిజం మీద బలమయిన విమర్శ పెట్టాడని అంటారు. అయితే ఇది పికాసో సెల్ఫ్ ఇమేజ్ అని వ్యాఖ్యానించిన కళా విమర్శకులు కూడా వున్నారు.
ఎద్దు జననాంగాలను నల్ల రంగుతో హైలైట్ చేయటం ద్వారా దాని జెండర్ మీద దృష్టిని కేంద్రీకరించే ప్రయత్నం చేసినట్టు తెలుస్తోంది.
ఎద్దు మాంసల శరీరాన్ని,ముఖాన్ని, తలనీ రెడ్యూస్ చేయటాన్ని కూడా మనం గమనించ వచ్చు. కొమ్ముల్లో, తోకలో స్పష్టమయిన మార్పును మనం చూడవచ్చు. తద్వారా వీటిమధ్య ఒక లయాత్మకతని సాధించాడు. అది ఒక లిరికల్ లయాత్మకత.
పికాసో గీతల్లోంచి తొంగిచూసే సృజనాత్మక శక్తి మనలను ఆశ్చర్య చకితులను చేస్తుంది. ఈ బొమ్మల్లోని జీవి ఏకకాలం లో ముక్కలుముక్కలుగానూ, పరిపూర్ణమయిన రూపం లోనూ దర్శనమిస్తుంది. పికాసో నిరంతరం సరళం చేసుకుంటూ వెళ్తుంటాడు.
కేవలం తన సమకాలాన్నే గాక తన తరువాతి తరాలను సయితం విశేషంగా ప్రభావితం చేసిన పికాసోలోని బలం, అతని యౌనికత, అతని రూపకాలు, అతని నిశిత దృష్టి, అతనిలోని ప్రయోగశీలతతో పాతు అతని గీతల్లోని మంత్రశక్తిని ఆస్వాదిస్తూ పికాసో చిత్రించిన ఈ ఎద్దు బొమ్మ ఏమంటుందో విందామా!
