పికాసో ప్రేయసులు - 6
జాక్విలిన్ రోకే
చూస్తూచూస్తుండగానే 1953 వ సంవత్సరం వచ్చేసింది. పాబ్లో పికాసో వయసు ముదిరింది. వ్రుద్ధాప్యం మీదికి వచ్చేసింది. నవయవ్వనంలో ఉన్న యువతుల పట్ల ఆయన ఆసక్తి ఏమాత్రం తగ్గకపోగా విపరీతంగా పెరుగుతూ పోయింది. లేటు వయసు ప్రేమ ఘాటు పెరిగింది. ప్రేయసుల పట్ల పికాసో ప్రేమ ప్రగాఢమవుతూ వచ్చింది. జీలో ప్రేమలో ఓలలాడుతూన్న కాలంలోనే చిన్నా చితకా ప్రేమ కథలు పికాసో జీవితంలో అనే కం జరిగాయి. అయినా జీలో తో అతని ప్రేమ సంబంధాలు ఏమాత్రం చెక్కుచెదర లేదు.
ఇంతలో 27 సంవత్సరాల పడతి జాక్విలిన్ రోకో అతని జీవితంలోకి అదుగు పెట్టింది. జాక్విలిన్ రోకో నిలువునా పికాసో మనసును దోచుకుంది. తొలి చూపులోనే పికాసో మనసును దోచుకున్న యవతుల్లో జాక్విలిన్ రోకో ఒకరు.
ఆమెను ఆకట్టుకునేందుకు ఓ రోజు పికాసో స్వయంగా ఆమె ఇంటికి వెళ్ళాడు. ఆమె ఇంటి తలుపుమీద చాక్ పీస్ తో ఒక పావురం బొమ్మను చిత్రించాడు.ఆ తరువాత ఆరు మాసాల పాటు ప్రతీ రోజూ ఆమె ఇంటికి వెళ్ళి ఒక గులాబీ పువ్వును బహూకరించాడు.
ఎట్టకేలకు పికాసో ప్రేమ ఫలించింది.
చిట్టచివరికి జాక్విలిన్ కూడా పికాసో ప్రేమలో పడింది. ఈ ప్రేమ కథను కూడా ప్రపంచానికి తెలియకుండా దాచాలని పికాసో అనుకున్నాడు. నిజానికి ఇది పికాసో జీవితంలో చివరి ప్రేమకథ. వీరు ఇరువురూ దాదాపు ఇరవై సంవత్సరాలు కలిసి కాపురం చేశారు.
పికాసో ఆరోగ్యం క్షీణించ సాగింది. వృద్ధాప్యం స్పష్టం కాసాగింది. పూర్తి కాలాన్ని పెయింటింగ్ లకే కేటాయిస్తున్నాడు. జాక్విలిన్ ని మోడల్ గా పెట్టుకుని 400లకు పైగా పెయింటింగ్స్ వేశాడు. జాక్విలిన్ కేవలం ఆయన భార్యా , మాత్రమే కాదు, జీవన చరమాంకంలో చేరువయిన తోడూ, ఆయన వ్యక్తిగత కార్యదర్శి కూడా.
1973లో పికాసో చనిపోయాడు. ఆయన ఆస్తిపాస్తుల గురించి పెద్దయెత్తున వివాదం చెలరేగింది.
జీలో పికాసో పిల్లలకు తల్లి. జాక్విలిన్ చట్టబద్ధమయిన భార్య.
చివరికి సమస్య ఒక కొలిక్కి వచ్చింది. ఆయన ధనంతో ' పికాసో మ్యూసీ ' అనే సంస్థ ఏర్పడింది. ఈ సంస్థ ఏర్పడడానికి మూలకారకురాలు జాక్విలిన్.
అతని ప్రేయసులు, వారు అందించిన ప్రేరణల స్మృతిచిహ్నంగా ఈ సంస్థను నెలకొల్పింది..
పికాసో మరణానంతరం ఆయన చేసిన కృషినీ, ఆయన ఆస్తినీ భ్ద్రపరచటమే తన జీవిత లక్ష్యంగా భావించింది. కానీ నిరంతరం ఒంటరితనం ఆమెను వెంటాడి వేధించింది. పికాసోను తలచుకుంటూ నిరంతరం రోదించేది. అలా రోదిస్తూ రోదిస్తూ స్పృహ కోల్పోయేది. భావోద్వేగాలతో తల్లడిల్లి పోయేది. చివరికి ఒక ఉద్విగ్న క్షణంలో రివాల్వర్ తో కాల్చుకుని ఆత్మహత్య చేసుకుంది.
